మస్కట్: ఒమన్ సుల్తానేట్ ప్రతి సంవత్సరం అక్టోబర్ 17న ఒమానీ మహిళా దినోత్సవాన్ని జరుపుకుంటారు. ఈ వేడుకలో హవా ఆఫ్ ఒమన్ (ఒమానీ మహిళ) అనే పేరుతో ఓపెరెట్టా నిర్వహిస్తారు. ఈ సందర్భంగా సంస్కృతి, సాహిత్యం,మాన్యుస్క్రిప్ట్‌ల రంగాలలో ప్రముఖ మహిళా వ్యక్తులను సత్కరించనున్నారు.  ఒమానీ మహిళా దినోత్సవ వేడుకలు.. ఒమానీ మహిళ పట్ల చూపిన శ్రద్ధను ప్రతిబింబిస్తాయని సామాజిక అభివృద్ధి మంత్రిత్వ శాఖలోని మహిళా వ్యవహారాల డైరెక్టర్ వాదా సలీం అల్ అలావి అన్నారు.  2024 ప్రారంభంలో ఒమన్ అధ్యక్షతన జరిగిన అరబ్ లీగ్‌లో అరబ్ ఉమెన్స్ కమిటీ 43వ సెషన్ సమావేశంలో మస్కట్‌ను అరబ్ మహిళల రాజధాని 2024గా ప్రకటించడాన్ని కూడా ఆమె గుర్తు చేశారు.