కువైట్: మద్యం తయారీ గోడౌన్ పై అధికారులు దాడులు చేశారు. స్థానికంగా తయారు చేసిన 168 మద్యం సీసాలు, పెద్దమొత్తంలో నగదు,  ఇతర నిషేధిత పదార్థాలను స్వాధీనం చేసుకున్నట్టు అంతర్గత వ్యవహారాల మంత్రిత్వ శాఖ వెల్లడించింది. ఈ ఘటనకు సంబంధించి ఆరుగురిని అదుపులోకి తీసుకున్నట్లు తెలిపింది. కువైట్‌లో అన్ని రకాల నేరాలను ఎదుర్కొనేందుకు తమ ప్రయత్నాలను కొనసాగిస్తామని మంత్రిత్వ శాఖ స్పష్టం చేసింది. ఆరుగురిపై చట్టపరమైన చర్యలు తీసుకోవాల్సిందిగా సంబంధిత అధికారులకు రిఫర్ చేసినట్టు తెలిపింది. అత్యవసర హాట్‌లైన్ (112) లేదా డ్రగ్ కంట్రోల్ కోసం జనరల్ అడ్మినిస్ట్రేషన్ (1884141) ద్వారా ఏదైనా అనుమానాస్పద కార్యకలాపాలను నివేదించాలని కోరింది.