కావలిసిన పదార్ధాలు
గోధుమరవ్వ - ఒక కప్పు
పంచదార - ఒక కప్పు
కోవా - అర కప్పు
పాలు - అర లీటరు
యాలకులు - 4
జీడిపప్పు - సరిపడా
కిస్‌మిస్‌ - సరిపడా
పచ్చి కొబ్బరి తురుము - ఒక కప్పు
నెయ్యి - రెండు టేబుల్‌ స్పూన్లు
తయారీ విధానం
ముందుగా ఒక బాణలి తీసుకుని దానిలో నెయ్యి వేసి గోధుమరవ్వను వేయించి పక్కన పెట్టాలి. దానిలోనే జీడిపప్పు, కిస్‌మిస్‌ కూడా వేయించి పక్కన పెట్టాలి. ఇప్పుడు మరొక బాణలి తీసుకుని వేయించిన గోధుమ రవ్వ వేసి, దానిలో పచ్చి కొబ్బరితురుము కూడా వేసి బాగా వేయించి, దానిలో కోవా వేసి మరికొంచెం నెయ్యి వేసి బాగా వేయించి, దానిలో పాలుపోసి మరిగించాలి. పాలు గట్టిగా అవ్వనివ్వకుండా అవసరమైతే కొన్ని నీళ్లు పోసి మరిగించి, చివరిగా యాలకుల పొడి, జీడిపప్పు, కిస్‌మిస్‌ వేసి స్టవ్‌ ఆఫ్‌ చేయాలి. అంతే ఘుమఘుమలాడే గోధుమరవ్వ , కొబ్బరి పాయసం రెడీ.