రియాద్: హలత్ అమ్మర్ సరిహద్దు ద్వారా వచ్చిన షిప్‌మెంట్‌లో దాచిన 1,225,200 క్యాప్‌గాన్ మాత్రలను అక్రమంగా తరలించే ప్రయత్నాన్ని జకాత్, పన్ను మరియు కస్టమ్స్ అథారిటీ (ZATCA) విజయవంతంగా అడ్డుకుంది. పాలరాయి మిక్సర్‌ను తరలించే క్రమంలో దానిని అధునాతన టెక్నాలజీతో తనిఖీలు చేయగా.. పెద్దమొత్తంలో నిషేధిత మాత్రలు దొరికాయని అధికారులు తెలిపారు.  ఈ సంఘటనలో షిప్ మెంట్ ను అందుకోవాల్సిన వారిని అదుపులోకి తీసుకొని విచారిస్తున్నట్లు పేర్కొన్నారు. కేసును డ్రగ్ కంట్రోల్ కోసం జనరల్ డైరెక్టరేట్‌ కు రిఫర్ చేసినట్టు కస్టమ్స్ అధికారులు తెలిపారు. అనంతరం స్మగ్లింగ్‌కు పాల్పడుతున్న ఇద్దరు వ్యక్తులను అదుపులోకి తీసుకుని కేసు నమోదు చేశారు. డ్రగ్స్ మహమ్మారి నుంచి సమాజాన్ని, జాతీయ ఆర్థిక వ్యవస్థను రక్షించడానికి స్మగ్లింగ్‌ను ఎదుర్కోవడంలో సహకరించాలని ప్రజలను కోరారు.