‘కేజీఎఫ్’, ‘కాంతార’ తదితర సినిమాలతో కన్నడ ఫిలిం ఇండస్ట్రీ ఖ్యాతి పెరిగిందని చెప్పొచ్చు. దాంతో, ఆ తర్వాతి నుంచి కన్నడ సినిమా వస్తుందంటే చాలు క్రేజ్ ఆటోమెటిగ్గా పెరిగిపోతుంది.

అంతేకాదు, ఒకప్పుడు మినిమమ్ బడ్జెట్ సినిమాలుగా వుండేవి. కానీ, ఇప్పుడు బడ్జెట్ స్కేల్ కూడా పెరిగింది. భారీ బడ్జెట్ సినిమాలు తెరకెక్కుతున్నాయ్.

అలా తాజాగా కన్నడ నుంచి వస్తున్న సినిమానే ‘బఘీరా’. శ్రీ మురళి హీరోగా నటిస్తున్నాడు. ఈయన మరెవరో కాదు, ‘కేజీఎఫ్’ డైరెక్టర్ ప్రశాంత్ నీల్‌కి స్వయానా బంధువే.

అంతేకాదు, ఈ సినిమాకి కథ అందించింది కూడా ప్రశాంత్ నీలే. లేటెస్టుగా ఈ సినిమా నుంచి వచ్చిన ట్రైలర్‌కి రెస్పాన్స్ బాగుంది. విజువలైజేషన్ చూస్తే ‘కేజీఎఫ్’ తరహాలో అనిపిస్తోంది.

యాక్షన్ ఘట్టాలు సూపర్బ్ అనిపిస్తున్నాయ్. టెక్నికల్ టీమ్ వర్క్ బాగుంది. ఇప్పటికే బజ్ బాగా వుంది. ట్రైలర్ తర్వాత మరింత పెరిగింది.

అక్టోబర్ 31కి ఈ సినిమా ప్రేక్షకుల ముందుకు రానుంది. చూడాలి మరి, ఈ సూపర్ హీరో మూవీ ఎలాంటి సంచలనాలు నమోదు చేయనుందో.!