నాన్నకు ప్రేమతో తర్వాత జూనియర్‌ ఎన్టీఆర్‌ నటిస్తున్న చిత్రం 'జనతా గ్యారేజ్‌'. ఇచట అన్నీ రిపేర్లు చేయబడును అనేది క్యాప్షన్‌. ఈ చిత్ర ఫస్ట్‌ ట్రైలర్‌ను జులై 6న విడుదల చేయనున్నట్లు దర్శకుడు కొరటాల శివ సోషల్‌ మీడియా ద్వారా అభిమానులకు తెలియజేశారు. ఇప్పటికే ఈ చిత్ర పోస్టర్లను విడుదల చేసిన సంగతి తెలిసిందే. ఎంతో స్టైలిష్‌ లుక్‌తో ఎన్టీఆర్‌ ఈ చిత్రంలో కనిపిస్తున్నారు. తెలుగు, తమిళం, మలయాళం భాషల్లో ఈ చిత్రం విడుదల కానుంది. ఎన్టీఆర్‌ సరసన సమంత, నిత్యామేనన్‌లు కథానాయికలుగా నటిస్తుండగా మోహన్‌లాల్‌, దేవయానిలు ఇతర ప్రధాన పాత్రలు పోషిస్తున్నారు. దేవీశ్రీ ప్రసాద్‌ ఈ చిత్రానికి సంగీత బాణీలు అందిస్తున్నారు. త్వరలోనే జనతా గ్యారేజ్‌ ప్రేక్షకుల ముందుకు రానుంది.