దోహా: విజిట్ ఖతార్ "కతార్ అలా హవాక్" పేరుతో తన కొత్త ప్రచారాన్ని ప్రారంభించింది. ఇది ఖతార్ ప్రత్యేకమైన వింటర్ సీజన్ కోసం GCC దేశాల్లో క్యాంపెయిన్ నిర్వహిస్తుంది. ఈ సందర్భంగా వింటర్ సీజన్ ఎస్కేప్‌కు ప్రముఖ గమ్యస్థానంగా ఖతార్ తన స్థానాన్ని ఎలివేట్ చేయడం లక్ష్యంగా పెట్టుకుంది.  అన్ని ఆసక్తులు, వయస్సులకు అనుగుణంగా తప్పనిసరిగా సందర్శించాల్సిన ఆకర్షణలు,ఈవెంట్‌లు ఉన్నాయి.ఈ ప్రచారంలో సౌదీ నటుడు యూసఫ్ అల్ జర్రా, బహ్రెయిన్ కళాకారుడు అహ్మద్ షరీఫ్ నటించారు.  విజిట్ ఖతార్ CEO అబ్దుల్ అజీజ్ అలీ అల్ మావ్లావి మాట్లాడుతూ.. ఖతార్ వింటర్ సీజన్ చిన్న పెద్ద విహారయాత్రలకు సరైన గమ్యస్థానంగా మారిందన్నారు. ప్రతి పర్యాటకుడికి మరపురాని క్షణాలను సృష్టించడం తమ  లక్ష్యమన్నారు.  థ్రిల్లింగ్ అడ్వెంచర్‌లను కోరుకునే వారి కోసం దోహాలోని ఇండోర్ థీమ్ పార్క్ అయిన క్వెస్ట్, ప్రపంచంలోనే అత్యంత ఎత్తైన ఇండోర్ రోలర్ కోస్టర్, డ్రాప్ టవర్‌ను కలిగి ఉంది.  2023లో రికార్డు స్థాయిలో నాలుగు మిలియన్ల మంది సందర్శకులు సందర్శించారు. ఈ సంవత్సరం అక్టోబర్ నాటికి 3.9 మిలియన్ల సందర్శకులు వచ్చినట్టు తెలిపారు.  

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)