రియాద్: ఇతర దేశాలకు చెందిన చిహ్నాలు,  లోగోలు, అలాగే మతపరమైన చిహ్నాలను సౌదీ అరేబియాలో వాణిజ్యపరంగా ఉపయోగించడాన్ని నిషేధించారు. ఈ మేరకు సౌదీ వాణిజ్య మంత్రి డాక్టర్ మజేద్ అల్-కసాబీ ఉత్తర్వులు జారీ చేశారు. ఈ చిహ్నాలు, లోగోల దుర్వినియోగాన్ని నిరోధించడం దీని లక్ష్యమని పేర్కొన్నారు. ఉత్తర్వులను ఉల్లంఘించిన వాణిజ్య సంస్థలపై నిబంధనలకు అనుగుణంగా చట్టపరమైన చర్యలు తీసుకోనున్నట్లు స్పష్టం చేశారు. అయితే, సౌదీ అరేబియా జెండాను వాణిజ్య పరంగా ఉపయోగించడంపై మంత్రిత్వ శాఖ గతంలోనే నిషేధం విధించింది.