మనామా: బహ్రెయిన్‌లోని కార్మికులు అరబ్ ప్రపంచంలో అత్యంత ఉత్పాదకత కలిగిన వర్క్ పోర్సుగా గుర్తింపు పొందారు.  ఈ మేరకు సీఈఓ వరల్డ్ మ్యాగజైన్ నివేదిక వెల్లడించింది. ప్రాంతీయంగా మూడవ స్థానంలో, ప్రపంచవ్యాప్తంగా 39వ స్థానంలో బహ్రెయిన్ నిలిచింది.  గ్లోబల్ టేబుల్‌లో లక్సెంబర్గ్ అగ్రస్థానంలో ఉండగా, ప్రాంతీయ ర్యాంకింగ్‌లలో గల్ఫ్ రాష్ట్రాలు ముందున్నాయని పరిశోధనలు చూపిస్తున్నాయి. సౌదీ అరేబియా అరబ్ టాప్ ప్లేస్ లో ఉండగా,  ప్రపంచవ్యాప్తంగా 28వ స్థానంలో ఉంది. ఆ తర్వాత ఖతార్ 29వ స్థానంలో నిలిచింది.

యూఏఈ, కువైట్ ప్రపంచవ్యాప్తంగా 44వ, 50వ స్థానంలో ఉన్నాయి. ఒమన్, లిబియా, ఇరాక్, ఈజిప్ట్, జిబౌటీలు వరుసగా 58వ, 61వ, 72వ, 87వ, 90వ స్థానాలతో ప్రపంచ ర్యాంకింగ్‌లతో అరబ్ ప్రాంతానికి చెందిన టాప్ 10 స్థానాల్లో నిలిచాయి.