అలులా:  ఫ్రెంచ్ ప్రెసిడెంట్ ఇమ్మాన్యుయేల్ మాక్రాన్,  అతని ఉన్నత స్థాయి బృందం బుధవారం అల్ ఉలా గవర్నరేట్‌లోని చారిత్రక ప్రదేశాలు, పురావస్తు అద్భుతాలను సందర్శించారు. మొదటగా ఫ్రెంచ్ అధ్యక్షుడి టీం చారిత్రాత్మక హెగ్రా లేదా మదాయిన్ సాలిహ్ ప్రాంతాన్ని సందర్శించారు. ఇది UNESCO ప్రపంచ వారసత్వ జాబితాలో నమోదు చేయబడిన మొదటి సౌదీ వారసత్వ ప్రదేశంగా గుర్తింపు పొందింది. తన పర్యటనలో మాక్రాన్ వేల సంవత్సరాల నాటి అత్యంత ప్రముఖమైన పురావస్తు ప్రదేశాలను సందర్శించారు. క్షేత్ర సందర్శన సమయంలో మాక్రాన్‌తో పాటు మదీనా ఎమిర్ ప్రిన్స్ సల్మాన్ బిన్ సుల్తాన్ ఉన్నారు.