కువైట్: భారత విదేశాంగ మంత్రి (ఈఏఎం) ఎస్ జైశంకర్ , కువైట్ విదేశాంగ మంత్రి అబ్దుల్లా అలీ అల్ యాహ్యా.. విదేశాంగ మంత్రుల స్థాయిలో జాయింట్ కమిషన్ ఫర్ కోఆపరేషన్ (జేసీసీ)ని ఏర్పాటు చేసేందుకు బుధవారం అవగాహన ఒప్పందం (ఎంఓయూ)పై సంతకాలు చేశారు. ఈ  ఒప్పందం వాణిజ్యం, పెట్టుబడి, విద్య, సాంకేతికత, వ్యవసాయం, భద్రత, సంస్కృతితో సహా రంగాలలో కొత్త జాయింట్ వర్కింగ్ గ్రూపుల ఏర్పాటును వివరిస్తుంది. రెండు దేశాల మధ్య ద్వైపాక్షిక సంబంధాలను ఈ గ్రూపులు పర్యవేక్షిస్తాయి.  హైడ్రోకార్బన్‌లు, ఆరోగ్యం మరియు కాన్సులర్ విషయాలలో ఇప్పటికే ఉన్న వర్కింగ్ గ్రూపులను కూడా JCC పర్యవేక్షిస్తుంది. ఇదిలా ఉండగా, అబ్దుల్లా అలీ అల్ యాహ్యా ఆహ్వానం మేరకు  ప్రధాని నరేంద్ర మోదీ కువైట్ లో పర్యటించేందుకు అంగీకరించారు. కువైట్‌ విదేశాంగ మంత్రిగా అబ్దుల్లా అలీ అల్‌ యాహ్యా భారత్‌కు రావడం ఇదే తొలిసారి.