మనామా: మానవ అక్రమ రవాణా, లైంగిక వేధింపులకు పాల్పడినందుకు 10 ఏళ్ల జైలు శిక్ష పడిన ఆసియా వ్యక్తి కేసుపై హైకోర్టు విచారణ ప్రారంభించింది. నేరాన్ని అంగీకరించిన నిందితుడు.. ఇద్దరు ఆసియా మహిళలను వ్యభిచారంలోకి నెట్టడంతోపాటు మరో మహిళని లైంగికంగా వేధించాడు.   

బహ్రెయిన్‌లోని ఒక విదేశీ రాయబార కార్యాలయం నుండి వచ్చిన నివేదిక తర్వాత ఈ కేసు వెలుగులోకి వచ్చింది. ఒక మహిళను అపార్ట్‌మెంట్‌లో పెట్టి, ఆమెతో బలవంతంగా వ్యభిచారం చేయిస్తున్నాడని ఆరోపణలు వచ్చాయి.  పోలీసులు నిందితుడిని పట్టుకుని బాధితురాలిని, రెండో మహిళను రక్షించారు. బాధితులిద్దరూ ఉపాధి అవకాశాల కోసం బహ్రెయిన్ రప్పించి, తమతో జుఫైర్ ప్రాంతంలోని ఒక అపార్ట్‌మెంట్‌ లో వ్యభిచారం చేయించేవాడని పేర్కొన్నారు.