ఫ్రాన్స్: ఫ్రాన్స్‌లో ఇటీవల జరిగిన అవిశ్వాస తీర్మానంలో ప్రధాని మిచెల్ బార్నియర్ ఓడిపోయారు. ఈ ఘటన ఫ్రాన్స్ రాజకీయ చరిత్రలో 1962 తర్వాత మొదటిసారి చోటుచేసుకుంది. మితవాద మరియు అతివాద చట్టసభ సభ్యులు కలిసి అవిశ్వాస తీర్మానాన్ని ప్రవేశపెట్టారు. ఫ్రాన్స్ జాతీయ అసెంబ్లీలో మొత్తం 577 సీట్లు ఉండగా, 331 మంది సభ్యులు బార్నియర్ ప్రభుత్వానికి వ్యతిరేకంగా ఓటు వేశారు. ఈ తీర్మానం కారణంగా బార్నియర్ తన పదవిని కోల్పోయారు.

మిచెల్ బార్నియర్ ప్రధానిగా కేవలం మూడు నెలలే పనిచేశారు. ఆయన నియామకానికి ముందు 34 ఏళ్ల గాబ్రియేల్ అట్టల్ ప్రధానిగా ఉన్నారు. బడ్జెట్ వివాదాల కారణంగా ఈ అవిశ్వాస తీర్మానం ప్రవేశపెట్టబడింది. ప్రధాని బార్నియర్ తన రాజీనామాను ఫ్రాన్స్ అధ్యక్షుడు ఇమ్మాన్యుయేల్ మాక్రాన్‌కు సమర్పించనున్నారు. మాక్రాన్ 2027 వరకు తన పదవీకాలాన్ని కొనసాగించనున్నారు.ఈ పరిణామం ఫ్రాన్స్‌లో రాజకీయ సంక్షోభాన్ని మరింత తీవ్రతరం చేసింది. మాక్రాన్ ఈ ఏడాదిలోనే మూడోసారి కొత్త ప్రధానిని నియమించాల్సిన పరిస్థితి ఏర్పడింది. ఇది ఫ్రాన్స్ రాజకీయ చరిత్రలో ఒక కీలక ఘట్టంగా నిలిచింది.