రియాద్: ఫిఫా 2034 ప్రపంచ కప్ ఫుట్ బాల్ నిర్వాహణ  హక్కులు సౌదీ అరేబియాకు దక్కాయి. ఈ నేపథ్యంలో క్రీడల మంత్రి ప్రిన్స్ అబ్దుల్ అజీజ్ బిన్ తుర్కీ అల్-ఫైసల్ హర్షం వ్యక్తం చేశారు. తన క్రీడా రంగాన్ని గ్లోబల్ పవర్‌హౌస్‌గా మార్చాలనే ఆశయానికి దగ్గర వచ్చినట్టు పేర్కొన్నారు.

ప్రజా సేవలో ప్రవేశించడానికి ముందు ప్రిన్స్ అబ్దుల్ అజీజ్ మంచి క్రీడాకారుడు. 2005లో బహ్రెయిన్‌లో ఫార్ములా BMWతో సహా మోటార్‌స్పోర్ట్స్‌లో అతని నేపథ్యం అందరికి తెలిసేలా చేసింది. ఫిబ్రవరి 2020లో క్రీడల మంత్రిగా నియమితులయ్యారు. అతని ప్రయాణం చాలా సంవత్సరాల క్రితం జనరల్ స్పోర్ట్స్ అథారిటీ డిప్యూటీ ఛైర్మన్‌గా ప్రారంభమైంది. దిరియాలోని ఫార్ములా E మరియు డాకర్ ర్యాలీ వంటి మోటార్‌స్పోర్ట్ ఈవెంట్‌ల నుండి ఆసియా క్రీడలు 2034 వంటి హై-ప్రొఫైల్ టోర్నమెంట్‌ల వరకు, ప్రిన్స్ అబ్దుల్ అజీజ్ పదవీకాలం సౌదీ అరేబియాను ప్రపంచ క్రీడలకు ప్రధాన గమ్యస్థానంగా మార్చారు.  క్రౌన్ ప్రిన్స్ అధ్యక్షతన జరిగిన వ్యూహ సమావేశాలు విజయం సాధించాయి. ‘మేము క్రీడలకు స్వర్ణయుగంలో జీవిస్తున్నాం’ అని ప్రిన్స్ అబ్దుల్ అజీజ్ ఇటీవల ఓ ఇంటర్వ్యూలో చెప్పారు.

ఆసియా క్రీడలు 2034 కోసం హోస్టింగ్ హక్కులను పొందడం అనేది సౌదీ అరేబియా క్రీడా రంగంలో ఒక మలుపుగా పేర్కొంటారు. ఈ విజయం మరింత ప్రతిష్టాత్మకమైన వెంచర్‌లకు మార్గం సుగమం చేసిందని, FIFA ప్రపంచ కప్ 2034 హోస్టింగ్ హక్కుల సాధనకు ఆ అనుభవం ఉపయోగపడిందన్నారు.  ఫిఫా టోర్నమెంట్ చరిత్రలో అత్యధికంగా 5కి 4.18 రికార్డు స్కోర్‌ను సౌదీకి అందించారు.  2034 ప్రపంచ కప్ ప్రణాళికలలో అత్యాధునిక ఎయిర్ కండిషన్డ్ స్టేడియాలు, పర్యావరణ అనుకూల పద్ధతులను అవలంబిస్తామని తెలిపారు.  అంతకుముందు సౌదీ అరేబియా 2027లో AFC ఆసియా కప్ కు ఆతిథ్యం ఇవ్వనుంది.