నారా రోహిత్‌ కథానాయకుడిగా రూపుదిద్దుకుంటున్న చిత్రం 'కథలో రాజకుమారి'. ఈ చిత్రంలో తన లుక్‌కు సంబంధించిన కొన్ని స్టిల్స్‌ను హీరో నారా రోహిత్‌ సోషల్‌మీడియా వేదికగా అభిమానులతో పంచుకున్నారు. కథలో రాజకుమారి స్టిల్స్‌ అని పోస్ట్‌ చేశారు. ఈ చిత్రానికి మహేశ్‌ సూరపనేని దర్శకత్వం వహిస్తున్నారు. మాగ్నస్‌ సినీ ప్రైమ్‌ పతాకంపై వెంకట శ్రీనివాస్‌ ఈ చిత్రానికి నిర్మాతగా వ్యవహరిస్తున్నారు. ఇళయరాజా చిత్రానికి సంగీతం సమకూరుస్తున్నారు. నారా రోహిత్‌ సరసన నమితా ప్రమోద్‌ నటిస్తున్నారు. చివరగా ఏప్రిల్‌ 29న 'రాజా చెయ్యివేస్తే' చిత్రంతో నారా రోహిత్‌ ప్రేక్షకుల ముందుకు వచ్చారు.