సలాలా/ రుస్తాక్: దోఫర్ గవర్నరేట్, సౌత్ అల్ బతినా గవర్నరేట్‌లలో 'నేషనల్ సర్వే ఆఫ్ నాన్-కమ్యూనికేబుల్ డిసీజెస్(NCD)'ను డైరెక్టరేట్ జనరల్ ఆఫ్ హెల్త్ సర్వీసెస్ ప్రారంభించింది. ఒమన్‌లో ఆరోగ్య సంరక్షణ వ్యవస్థను అభివృద్ధి చేయడానికి ఉద్దేశించిన అత్యంత ముఖ్యమైన జాతీయ ప్రాజెక్టులలో ఇది ఒకటి అని దోఫర్ గవర్నరేట్‌లోని ప్రాథమిక సంరక్షణ విభాగం డైరెక్టర్ డా. హమూద్ బిన్ సయీద్ అల్ ఫజారీ తెలిపారు.

సర్వేలో భాగంగా 15 సంవత్సరాల కంటే ఎక్కువ వయస్సు ఉన్న పౌరులు, నివాసితుల నుండి వివరాలను సేకరిస్తున్నారు. షుగర్, గుండె సంబంధ వ్యాధులు, దీర్ఘకాలిక శ్వాసకోశ వ్యాధులు, క్యాన్సర్‌తో సహా సమగ్రమైన డేటాను సేకరిస్తున్నారు.  జాతీయ సర్వే కార్యక్రమంలో రెండు దశలు ఉంటాయని వివరించారు. మొదటి దశలో రెసిడెన్షియల్ కాంప్లెక్స్‌ల మ్యాప్‌లను అప్‌డేట్ చేయడానికి ఫీల్డ్ విజిట్‌లు ఉంటాయని, రెండవ దశలో నిర్దేశిత క్వశ్చన్ బుక్ లేట్ ను ఉపయోగించి కొన్ని నమూనాలు, డేటాను సేకరిస్తారని తెలిపారు.