రియాద్: భద్రతా నిఘా కెమెరాల వినియోగ చట్టంలోని నిబంధనలను ఉల్లంఘించిన వారిపై కఠిన శిక్షార్హమైన చర్యలు తీసుకుంటామని అంతర్గత వ్యవహారాల మంత్రిత్వ శాఖ హెచ్చరించింది. చట్టవిరుద్ధంగా రికార్డింగ్‌లను ట్రాన్స్ ఫర్ చేయడం లేదా ప్రచురించడం లేదా నిఘా పరికరాలు లేదా రికార్డింగ్‌లను నాశనం చేసినందుకు దోషులుగా తేలిన వారిపై గరిష్టంగా SR20,000 జరిమానా విధించబడుతుందని పేర్కొంది. ఏదైనా తప్పు చేసిన వ్యక్తికి ప్రతి భద్రతా నిఘా కెమెరా లేదా సాంకేతిక నిర్దేశాలకు అనుగుణంగా లేని పరికరానికి SR500 జరిమానా విధించబడుతుంది. రిక్వెస్ట్ ఫర్ ప్రపోజల్ (RFP)లో పేర్కొన్న స్పెసిఫికేషన్‌ల ప్రకారం ఇన్‌స్టాల్ చేయని ప్రతి భద్రతా నిఘా కెమెరా లేదా పరికరానికి SR1,000 జరిమానా విధించబడుతుంది. రికార్డింగ్‌లను నిల్వ చేయడంలో విఫలమైనందుకు జరిమానాలు SR5,000 వరకు చేరవచ్చు. భద్రతా నిఘా కెమెరాల వినియోగ చట్టం2022, ప్రైవేట్ రెసిడెన్షియల్ యూనిట్లు, కాంప్లెక్స్‌లలోని కెమెరాలకు ఈ నిబంధనలు వర్తించవు. అంతర్గత వ్యవహారాల మంత్రిత్వ శాఖ లేదా రాష్ట్ర భద్రత ప్రెసిడెన్సీ ఆమోదంతో లేదా కోర్టు ఆర్డర్ ఆధారంగా అభ్యర్థన మేరకు తప్ప భద్రతా నిఘా కెమెరా రికార్డింగ్‌ల బదిలీ లేదా ప్రచురణను చట్టం నిషేధిస్తుంది.