యూఏఈ: యూఏఈలో ఇప్పటివరకు వ్యక్తిగత డ్రోన్ వినియోగంపై అమల్లో ఉన్న నిషేధాన్ని జనవరి 7 నుండి ఎత్తివేయనున్నారు. ఈ మేరకు అంతర్గత మంత్రిత్వ శాఖ నిషేధాన్ని పాక్షికంగా లిఫ్ట్ చేస్తున్నట్లు ప్రకటించింది. డ్రోన్‌ల వాడకం నిర్దిష్ట భద్రతా పరిస్థితులకు లోబడి ఉండాలని జనరల్ సివిల్ ఏవియేషన్ అథారిటీ (జిసిఎఎ)  పేర్కొంది. ఇదే సమయంలో  నేషనల్ అథారిటీ ఫర్ ఎమర్జెన్సీ, సంక్షోభం, విపత్తు నిర్వహణ (NCEMA) డ్రోన్ కార్యకలాపాలను నియంత్రించడానికి యూనిఫైడ్ నేషనల్ ప్లాట్ఫామ్ ను ఏర్పాటు చేసింది.. ఈ వేదిక డ్రోన్ల వాడకాన్ని పర్యవేక్షించడంలో సహాయపడుతుంది. డ్రోన్ ఉపయోగం కోసం వివరణాత్మక మార్గదర్శకాలు, అధికారిక ప్రభుత్వ వెబ్‌సైట్ drones.gov.ae ను సందర్శించాలని అధికారులు సూచించారు.