నాని కథానాయకుడిగా ఇటీవల విడుదలైన 'జెంటిల్‌మన్‌' చిత్రానికి మంచి స్పందన లభించింది. దీంతో ఈ చిత్రం బృందం హాయ్‌ల్యాండ్‌కు వెళ్లి సరదాగా సమయాన్ని గడిపారు. దీనికి సంబంధించిన కొన్ని ఫొటోలను హీరో నాని తన ఫేస్‌బుక్‌ ఖాతా ద్వారా అభిమానులతో పంచుకున్నారు. కథానాయికలు నివేదా థామస్‌, సురభి తదితరులు ఈ విహారయాత్రలో పాల్గొన్నారు. మోహన్‌కృష్ణ ఇంద్రగంటి దర్శకత్వం వహించిన ఈ చిత్రానికి శివలెంక కృష్ణప్రసాద్‌ నిర్మాత. మణిశర్మ సంగీతం సమకూర్చారు.