ఎమిరేట్స్‌ రోడ్‌పై జరిగిన ప్రమాదంలో మూడు ట్రక్కులు ధ్వంసం కాగా, ఒకర్ని ఈ ప్రమాదం బలి తీసుకుంది. మరొకరు తీవ్రంగా గాయపడ్డారు. చనిపోయిన వ్యక్తిని ఆసియాకి చెందిన 43 ఏళ్ళ వ్యక్తిగా గుర్తించినట్లు దుబాయ్‌ పోలీసులు వెల్లడించారు. ఒక వాహనం ఇంకో వాహనంతో ఢీకొనడంతో ఈ ప్రమాదం జరిగింది. షార్జా వింటర్‌ క్యాంప్స్‌ ప్రాంతంలో ప్రమాదం జరిగిందని పోలీసులు వివరించారు. మొదటి ట్రక్‌ డ్రైవర్‌ ప్రమాదం జరిగిన వెంటనే అక్కడికక్కడే చనిపోయాడు. మరో డ్రైవర్‌, తీవ్ర గాయాల పాలు కాగా, అతన్ని ఆసుపత్రికి తరలించారు. రహదార్లపై ప్రయాణించే వాహనాలు నిర్ధారిత వేగంతో వెళితే ప్రమాదాల్ని నివారించవచ్చనీ పోలీసులు సూచిస్తున్నారు.