కువైట్: అబ్బాసియాలోని ఇండియన్ సెంట్రల్ స్కూల్‌లో 10వ తరగతి చదువుతున్న విద్యార్థి మెహదీ హసన్ ఘోర రోడ్డు ప్రమాదంలో ప్రాణాలు కోల్పోయాడు.అతను 10వ తరగతి బోర్డు పరీక్షకు సిద్ధమవుతున్నాడు. అధికారుల కథనం ప్రకారం..శనివారం అర్థరాత్రి అవెన్యూస్ మాల్ సమీపంలో బంగ్లాదేశ్ జాతీయుడైన మెహదీ హసన్‌ను కారు ఢీకొట్టింది.బాలుడు ఇంటికి తిరిగి రాకపోవడంతో ఆదివారం సాయంత్రం తల్లిదండ్రులు పోలీసులకు ఫిర్యాదు చేశారు. అయితే, ప్రమాదం జరిగాక కారు డ్రైవర్ స్వయంగా బాలుడిని వెంటనే ఆసుపత్రికి తీసుకెళ్లాడు, అక్కడ చికిత్స పొందుతూ మరణించాడు.