యూఏఈ: దుబాయ్‌లో బుధవారం ఉదయం మార్కెట్లు ప్రారంభమైనప్పుడు గ్రాము బంగారం ధర దాదాపు Dh3 పెరిగి కొత్త ఆల్ టైమ్ గరిష్ట స్థాయికి చేరుకోవడంతో బంగారం ర్యాలీ కొనసాగింది. ఉదయం 9 గంటలకు, 24K గ్రాముకు Dh1.50 పెరిగి Dh344కి చేరుకుంది. అయితే 22K గ్రాముకు Dh2.75 పెరిగి Dh320.25 వద్ద ప్రారంభమైంది. ఇతర వేరియంట్‌లలో గ్రాముకు 21K , 18K వరుసగా Dh307, Dh263 వద్ద ట్రేడవుతున్నాయి.

చైనా వస్తువులపై కొత్త అమెరికా సుంకాలకు ప్రతిస్పందనగా బీజింగ్ యూఎస్ దిగుమతులపై సుంకాలను విధించిన తర్వాత యూఎస్- చైనాల మధ్య కొత్త వాణిజ్య యుద్ధం భయాల కారణంగా ప్రపంచవ్యాప్తంగా బంగారం ధర 0.43 శాతం పెరిగి ఔన్సుకు రికార్డు స్థాయిలో $2,854.86 వద్ద ట్రేడవుతోంది. అమెరికా అధ్యక్షుడు డొనాల్డ్ ట్రంప్ విధించిన సుంకాల  నేపథ్యంలో బంగారానికి సురక్షితమైన ఆస్తిగా బలమైన మద్దతునిచ్చాయని సీనియర్ మార్కెట్ విశ్లేషకుడు రానియా గులే అన్నారు.