తురైఫ్:  ఉత్తర సరిహద్దు ప్రాంతంలోని తురైఫ్ గవర్నరేట్ సౌదీ అరేబియాలో సున్నా కంటే తక్కువ రెండు డిగ్రీల సెల్సియస్ వద్ద అత్యల్ప ఉష్ణోగ్రతను నమోదు చేసింది. ఈ మేరకు నేషనల్ సెంటర్ ఆఫ్ మెటియోరాలజీ (NCM) వెల్లడించింది. కింగ్‌డమ్‌లోని చాలా ప్రాంతాలలో చల్లటి వాతావరణం కొనసాగుతుందని, కనిష్ట ఉష్ణోగ్రతలు సున్నా డిగ్రీల సెల్సియస్ కంటే తక్కువగా ఉంటాయని, దేశంలోని ఉత్తర ప్రాంతాలలో మంచు కురిసే అవకాశం ఉందని కేంద్రం హెచ్చరించింది.  ఈ చల్లని వాతావరణాన్ని ఎదుర్కోవటానికి అవసరమైన జాగ్రత్తలు తీసుకోవాలని ప్రజలను కోరింది. తూర్పు ప్రావిన్స్‌లోని దక్షిణ ప్రాంతాలలో తెల్లవారుజామున పొగమంచు కారణంగా లో విజిబిలిటీ ఉంటుందని, వాహనదారులు జాగ్రత్తగా ఉండాలని వాతావరణ కేంద్రం అలెర్ట్ జారీ చేసింది.