కువైట్: రాబోయే జాతీయ వేడుకల కోసం భద్రతా ప్రణాళికను అధికారులు ఖరారు చేశారు.  చట్టాన్ని గౌరవిస్తూ ఉత్సవాలను ఆస్వాదించాలని పౌరులు, నివాసితులను కోరారు. ఖైరాన్, వఫ్రా, కబ్ద్, సుబియా, జాబర్ బ్రిడ్జ్, అబ్దాలీ ఫామ్స్, అరేబియన్ గల్ఫ్ స్ట్రీట్ వంటి ప్రదేశాలలో భారీ భద్రతా చర్యలను తీసుకుంటున్నట్లు తెలిపారు. ఎవరైనా ట్రాఫిక్‌కు అంతరాయం కలిగిస్తే.. వారిపై కఠినంగా చర్యలు తీసుకుంటామని అధికారులు హెచ్చరించారు. వేడుకల సందర్భంగా 8000 మంది పోలీసులతో పాటు 900 పెట్రోలింగ్ వాహనాలను భద్రతా కోసం వినియోగిస్తున్నట్లు అధికారులు తెలిపారు.

ఇప్పటికే వేడకలను పురస్కరించుకొని కఠిన నిర్ణయాలను ప్రకటించారు. నీరు, నురుగు లేదా ఇతర పదార్థాలను స్ప్రే చేయడంపై నిషేధం విధించారు. నిబంధనలు ఉల్లంఘించినవారి వాహనాన్ని స్వాధీనం చేసుకోవడంతోపాటు భారీ జరిమానా, చట్టపరమైన చర్యలు తీసుకుంటామని హెచ్చరించారు.