దోహా, ఖతార్: జాతీయ క్రీడా దినోత్సవ కార్యకలాపాల్లో అమీర్ హెచ్హెచ్ షేక్ తమీమ్ బిన్ హమద్ అల్ థానీ పాల్గొన్నారు. జూనియర్స్ తో కలిసి సందడి చేశారు. డుఖన్ ప్రైమరీ స్కూల్ ఫర్ బాయ్స్ తో కలిసి ఉత్సాహంగా గడిపారు. ఆరోగ్యకరమైన పద్ధతుల గురించి వారికి వివరించారు. అనంతరం వారితో కలిసి కొన్ని క్రీడల్లో పాల్గొన్నారు. 

ఏటా ఖతార్ ఫిబ్రవరి 11న జాతీయ క్రీడా దినోత్సవాన్ని జరుపుకుంటుంది. అన్ని వయసుల ప్రజలను స్పోర్ట్ ద్వారా కనెక్ట్ అవ్వడానికి అనేక ఈవెంట్లను నిర్వహిస్తుంది. 2012 లో మొట్టమొదట జాతీయ క్రీడా దినోత్సవాన్ని జరుపుకుంది. జాతీయ సెలవు దినోత్సవం సందర్భంగా సెలవు ప్రకటించి, అందరిని ఇందులో పాల్గొనేలా అవకాశం కల్పిస్తుంది.