దుబాయ్: దుబాయ్‌లోని కొన్ని ప్రాంతాల్లో కొత్త వేరియబుల్ పార్కింగ్ ఫీజులు వర్తిస్తాయని పార్కిన్ తెలిపింది. పబ్లిక్ పార్కింగ్ ఆపరేటర్ ఈవెంట్ ప్రాంతాలకు సమీపంలో ఈవెంట్‌ల సమయంలో గంటకు Dh25 ఫీజును ప్రకటించారు. ఈ సవరించిన టారిఫ్ ఫిబ్రవరి 17 నుంచి అమలులోకి వస్తుందని తెలిపారు.  "మీరు ఈవెంట్ జోన్‌కు వెళుతున్నట్లయితే, పబ్లిక్ ట్రాన్స్‌పోర్ట్‌కు ప్రాధాన్యత ఇవ్వండి." అని ఎక్స్ లో తెలిపారు.  దుబాయ్ వరల్డ్ ట్రేడ్ సెంటర్ చుట్టూ ఉన్న ప్రాంతాన్ని 'గ్రాండ్ ఈవెంట్ జోన్' గా ప్రకటించారు.

ఫిబ్రవరి ప్రారంభంలో దుబాయ్‌లోని పబ్లిక్ పార్కింగ్ సౌకర్యాల అతిపెద్ద ఆపరేటర్ జోన్ F ప్రాంతాలలో పార్కింగ్ టారిఫ్‌లను పెంచినట్లు ప్రకటించారు. ఫిబ్రవరి 1 నుండి అమలు చేయబడిన కొత్త ఫీజులు అన్ని జోన్ F పార్కింగ్ స్లాట్‌లలో అమల్లోకి వచ్చాయి. వీటిలో అల్ సుఫౌహ్ 2, ది నాలెడ్జ్ విలేజ్, దుబాయ్ మీడియా సిటీ, దుబాయ్ ఇంటర్నెట్ సిటీ వంటి ప్రాంతాలు ఉన్నాయి.