దుబాయ్: దుబాయ్ ఇంటర్నేషనల్ ఎయిర్‌పోర్ట్ (DXB) చుట్టూ అభివృద్ధి పనుల కారణంగా అనేక పబ్లిక్ బస్సు రూట్లలో తాత్కాలిక మళ్లింపులను రోడ్స్ అండ్ ట్రాన్స్‌పోర్ట్ అథారిటీ (RTA) ప్రకటించింది. ఫిబ్రవరి 21 నుంచి అమల్లోకి వచ్చిన ఈ మార్పులు తదుపరి నోటీసు వచ్చే వరకు అమలులో ఉంటాయని వెల్లడించారు.  ఇకపై బస్సులు ఎయిర్‌పోర్ట్ టెర్మినల్ 1 అరైవల్ ఏరియాలోకి ప్రవేశించవని, ఈ విషయాన్ని ప్రయాణికులు గమనించాలనికోరారు.  

ప్రభావితమైన బస్సు మార్గాలు:

రూట్ 24: అల్ నహ్దా స్టేషన్ వైపు ఎయిర్‌పోర్ట్ టెర్మినల్ 1 అరైవల్ బస్ స్టాప్‌కు సర్వీస్ రద్దు చేశారు. తాత్కాలిక బస్ స్టాప్, నెం. 544501, ప్రత్యామ్నాయంగా జోడించారు.

రూట్ 32C: అల్ సత్వా స్టేషన్ వైపు ఎయిర్‌పోర్ట్ టెర్మినల్ 1 అరైవల్ బస్ స్టాప్‌కు సర్వీస్ రద్దు చేశారు.

రూట్ C01: అల్ సత్వా స్టేషన్ వైపు ఎయిర్‌పోర్ట్ టెర్మినల్ 1 అరైవల్ బస్ స్టాప్‌కు సర్వీస్ రద్దు చేశారు.

రూట్ 33: అల్ కరామా స్టేషన్ వైపు ఎయిర్‌పోర్ట్ టెర్మినల్ 1 అరైవల్ బస్ స్టాప్‌కు సర్వీస్ రద్దు చేశారు. ఎమిరేట్స్ మెట్రో స్టేషన్ బస్ స్టాప్ 1 (235001) వద్ద తాత్కాలిక ప్రత్యామ్నాయ స్టాప్ జోడించారు.

రూట్ 77: ఎయిర్‌పోర్ట్ టెర్మినల్ 3 బస్ స్టాప్‌లు రెండు దిశలలో రద్దు చేశారు.

రూట్ N30: ఎయిర్‌పోర్ట్ టెర్మినల్ 1 అరైవల్ బస్ స్టాప్ రెండు దిశలలో రద్దు చేశారు. ఇంటర్నేషనల్ సిటీ బస్ స్టేషన్ వైపు ప్రయాణీకులు ప్రత్యామ్నాయ స్టాప్‌గా ఎయిర్‌పోర్ట్ టెర్మినల్ 1 ఎక్స్‌టర్నల్ పార్కింగ్‌ని ఉపయోగించవచ్చు.

టెర్మినల్ 1 రాకపోకలకు ప్రయాణించే ప్రయాణీకులు ప్రభావితమైన బస్సు మార్గాలను తనిఖీ చేసి, సులభతరమైన ప్రయాణం కోసం దుబాయ్ మెట్రో లేదా ఎమిరేట్స్ మెట్రో స్టేషన్ బస్ స్టాప్ 1ని ఉపయోగించాలని సూచించారు. ప్రయాణీకులు తమ ప్రయాణాలను సమయానికి ముందే ప్లాన్ చేసుకోవాలని కోరారు.