విజయానికి గుర్తుగా 'వైగై ఎక్స్‌ప్రెస్‌' తపాలాబిళ్ల విడుదల

విజయానికి గుర్తుగా 'వైగై ఎక్స్‌ప్రెస్‌' తపాలాబిళ్ల విడుదల

నటుడు, నిర్మాత ఆర్‌కే స్వీయ నిర్మాణంలో హీరోగా నటించిన 'వైగై ఎక్స్‌ప్రెస్‌' గత శుక్రవారం విడుదలై మంచి టాక్‌ తెచ్చుకుంది. మర్డర్‌ మిస్టరీ బ్యాక్‌డ్రాప్‌లో దర్శకుడు షాజి కైలాస్‌ తెరకెక్కించిన ఈ చిత్రానికి యువత నుంచి మంచి స్పందన లభిస్తోంది. ఈ చిత్రం పంపిణీలో కొత్త ఒరవడిని తీసుకొచ్చిన ఆర్‌కే ఇప్పుడు ప్రచారాన్నీ కొత్త పుంతలు తొక్కించే ప్రయత్నం చేస్తున్నారు. 'వైగై ఎక్స్‌ప్రెస్‌' విజయానికి గుర్తుగా ఈ సినిమా పోస్టర్‌తో ఒక తపాలాబిళ్లను విడుదల చేశారు. తద్వారా ఇప్పటివరకు ఏ చిత్రానికీ దక్కని ఘనతను 'వైగై ఎక్స్‌ప్రెస్‌' దక్కించుకుంది. తపాలాబిళ్లను చెన్నైలో శనివారం విడుదల చేశారు.
ఈ కార్యక్రమంలో ఆర్‌కే, హీరోయిన్ నీతూ చంద్ర, ఇతర యూనిట్‌ సభ్యులు పాల్గొన్నారు.

Back to Top