బోస్టన్లో 70చోట్ల పేలిన గ్యాస్ పైపులైన్లు
- September 14, 2018బోస్టన్: అమెరికాలోని బోస్టన్ నగరంలో గ్యాస్ పైపు లైన్లు వరుసగా పేలడం కలకలం సృష్టించింది. వెంటనే అప్రమత్తమైన అధికార యంత్రాంగం సహాయచర్యలు చేపట్టింది. గ్యాస్ పైపులైన్లు పేలిన ప్రాంతాల్లోని ప్రజలను సురక్షిత ప్రాంతాలకు తరలివెళ్లాలని అధికారులు హెచ్చరికలు జారీచేశారు. ఈ ఘటనలో 10 మందికి పైగా గాయపడగా... వారిలో ఒకరి పరిస్థితి విషమంగా ఉన్నట్లు పోలీసులు తెలిపారు.
దాదాపు 70చోట్ల పైపులైన్లు పేలినట్లు తమకు సమాచారం అందిందని మసాచుసెట్స్ పోలీసులు వెల్లడించారు. తూర్పుతీరం ప్రాంతంలోని లారెస్స్, ఆండోవర్, ఉత్తర ఆండోవర్లో గ్యాస్ వాయువులు విస్తరించినట్లు గుర్తించారు. ప్రమాద తీవ్రతను తగ్గించేందుకు గ్యాస్ పైపులైన్లలో పీడనాన్ని తగ్గించినట్లు పోలీసులు తెలిపారు. పరిస్థితి అదుపులోకి రావడానికి కొంత సమయం పడుతుందని చెప్పారు. ఈ ఘటనకు గల కారణాలపై ఇప్పుడే చెప్పలేమని.. మంటలు అదుపులోకి వచ్చిన తర్వాత సమగ్ర విచారణ జరుపుతామని పోలీసులు పేర్కొన్నారు.
తాజా వార్తలు
- KAPP డైరెక్టర్ తో భారత రాయబారి కీలక భేటీ..!
- దుబాయ్ లో సులువుగా 6 ఆన్-ది-గో పోలీసు సేవలు
- సౌదీలో మే మొదటి వారంలో 19,710 మంది అరెస్ట్
- ఓటు వేసిన చంద్రబాబు, జగన్
- మస్కట్ ఎక్స్ప్రెస్ వే మూసివేత
- అల్ షిందాఘా కారిడార్..104 నుండి 16 నిమిషాలకు తగ్గనున్న ట్రావెల్ టైం
- ఓటింగ్ సరళి విపరీతంగా పెరిగే అవకాశం!
- తిరిగి విధుల్లో చేరిన ఎయిరిండియా ఎక్స్ప్రెస్ క్యాబిన్ సిబ్బంది!
- తెలంగాణలో పలు జిల్లాలకు భారీ వర్ష సూచన..
- లోక్సభ ఎన్నికలకు ఏర్పాట్లు పూర్తి: డీజీపీ రవిగుప్తా