దుబాయ్:  దుబాయ్ పోలీసులు రమదాన్ మొదటి 10 రోజుల్లో 33 మంది బెగర్స్ ను అరెస్టు చేసినట్లు అధికార యంత్రాంగం ఆదివారం ప్రకటించింది. అధికార యంత్రాంగం బెగ్గర్స్ కు వ్యతిరేకంగా ప్రచారం చేపట్టింది. ఇందులో భాగంగా వివిధ దేశాలకు చెందిన ఈ వ్యక్తులను అరెస్టు చేశారు. అంతకుముందు, రమదాన్ మొదటి రోజున తొమ్మిది మందిని అదుపులోకి తీసుకున్నారు.

యూఏఈలో బెగ్గింగ్ అనేది తీవ్రమైన నేరంగా పరిగణిస్తారు. 5,000 దిర్హామ్‌ల జరిమానాతోపాటు మూడు నెలల వరకు జైలు శిక్ష విధిస్తారు. బెగ్గింగ్ కోసం ఇతర దేశాలను నుండి వ్యక్తులను నియమించే వారికి ఆరు నెలల జైలు శిక్ష, 100,000 దిర్హామ్స్ జరిమానా విధించబడుతుంది. దాంతోపాటు అనుమతి లేకుండా నిధులను సేకరించడం చేస్తే 500,000 దిర్హామ్స్ వరకు జరిమానా విధించబడుతుంది. బెగ్గర్స్ కనిపిస్తే 901 లేదా దుబాయ్ పోలీస్ స్మార్ట్ యాప్‌లోని 'పోలీస్ ఐ' సేవ ద్వారా నివేదించాలని, అలాగే 'ఈ-క్రైమ్' ఆన్‌లైన్ ప్లాట్‌ఫామ్ ద్వారా వివరాలు అందించాలని కోరారు.