కువైట్: ఖగోళ లెక్కల ఆధారంగా ఈద్ అల్-ఫితర్ మొదటి రోజు మార్చి 30న(ఆదివారం) వస్తుందని అల్-ఓజారి సైంటిఫిక్ సెంటర్ ప్రకటించింది. మార్చి 29న(శనివారం) మధ్యాహ్నం 1:57 గంటలకు నెలవంక కనిపిస్తుందని, కువైట్.. సౌదీ అరేబియా ఆకాశంలో 8 నిమిషాల పాటు ఉంటుందని కేంద్రం తెలిపింది. అయితే షవ్వాల్ నెలను ప్రారంభించడానికి షరియా సైటింగ్ అథారిటీ తుది నిర్ణయం తీసుకుంటుందని పేర్కొంది.

ప్రతి దేశం యొక్క భౌగోళిక స్థానాన్ని బట్టి కొన్ని అరబ్, ఇస్లామిక్ నగరాల్లో నెలవంక 4 నుండి 20 నిమిషాల మధ్య కన్పిస్తుందని తెలిపింది.. కొన్ని నగరాల్లో, ముఖ్యంగా ఆగ్నేయాసియాలో ఉన్న నగరాల్లో సూర్యునికి ముందే అస్తమిస్తుందని వెల్లడించింది.