వాహనదారులకు శుభవార్త. ఓ ఇన్స్యూరెన్స్‌ కంపెనీ ప్రమాదవశత్తూ మీ కారు డ్యామేజ్‌ అయితే, అక్కడినుంచి మీరు చేర్చాల్సిన చోటకు మిమ్మల్ని తీసుకెళ్ళేందుకు ఉచితంగా ట్యాక్సీ సర్వీసును అందించనుంది. దీని కోసం అదనంగా మీరేమీ ప్రీమియమ్‌ చెల్లించాల్సిన అవసరం లేదు. యూఏఈలో తొలిసారిగా ఈ పథకాన్ని ప్రవేశపెడుతున్నారు. ఈ 'కవర్‌ గ్యారంటీ' రేంజ్‌ 300 దిర్హామ్‌ల నుండి 500 దిర్హామ్‌ల వరకు ఉంటుందని ఆ సంస్థ వెల్లడించింది. ఇర్‌ఎస్‌ఎ ఇన్స్సూరెన్స్‌ కంపెనీ ఈ మేరకు వాహనదారులకు శుభవార్త చెప్పింది. అలాగే ప్రమాదానికి గురైన వాహనం నుంచి విలువైన వస్తువులు దొంగిలించబడితే, వాటిని కూడా కాంపెన్సేట్‌ చేసేలా వెసులుబాట్లు కల్పించనున్నట్లు ఇన్స్సూరెన్స్‌ కంపెనీ వర్గాలు తెలిపాయి. లాక్‌ రీప్లేస్‌మెంట్‌, డోర్‌ లాక్స్‌, బూట్‌ లాక్‌, ఇగ్నిషన్‌ మరియు స్టీరింగ్‌ లాక్‌, కార్‌ లాక్‌ ట్రాన్స్‌మిషన్‌ని కూడా ఇన్స్యూరెన్స్‌ కవరేజ్‌ విభాగంలోకి తీసుకొచ్చారు. ఈ విషయాల్ని బహ్రెయిన్‌ యూఏఈలో ఆర్‌ఎస్‌ఎ ఇన్స్యూరెన్స్‌ కంపెనీ టెక్నికల్‌ డైరెక్టర్‌ ఎకె రవీంద్రన్‌ వెల్లడించారు.