దోహా: రష్యా-ఉక్రెయిన్ సంక్షోభాన్ని పరిష్కరించడానికి కొనసాగుతున్న దౌత్య ప్రయత్నాలను, ముఖ్యంగా అమెరికా అధ్యక్షుడు డోనాల్డ్ ట్రంప్- రష్యా అధ్యక్షుడు వ్లాదిమిర్ పుతిన్ మధ్య జరిగిన ఫోన్ కాల్ సందర్భంగా కుదిరిన ఒప్పందాలను ఖతార్ స్వాగతించింది. ఇవి సంక్షోభానికి సమగ్రమైన, స్థిరమైన పరిష్కారానికి అందిస్తాయని ఆశిస్తున్నట్టు తెలిపింది. 

శాంతియుత మార్గాల ద్వారా సంక్షోభాన్ని పరిష్కరించాలనే ఖతార్ స్థిరమైన వైఖరిని విదేశాంగ మంత్రిత్వ శాఖ పునరుద్ఘాటిస్తుందని, ప్రాంతీయ / అంతర్జాతీయ సంఘర్షణలను పరిష్కరించడానికి చర్చలు అనేవి అత్యంత ప్రభావవంతమైన విధానం అనే తమ దృఢమైన నమ్మకాన్ని మరోసారి స్పష్టం చేసింది.

ప్రపంచ భద్రత, స్థిరత్వాన్ని సాధించే విధంగా శాంతిని పెంపొందించడం, అదే సమయంలో దేశాల మధ్య సహకారాన్ని పెంపొందించడం లక్ష్యంగా చేసుకున్న అన్ని ప్రయత్నాలకు ఖతార్ పూర్తి మద్దతు ఉంటుందని మంత్రిత్వ శాఖ పునరుద్ఘాటించింది.