కువైట్: ఉపరితల పీడనం విస్తరించడం వల్ల కువైట్ లో రాబోయే రెండు రోజులపాటు వర్షాలు కురిసే అవకాశం ఉందని కువైట్ వాతావరణ శాఖ వెల్లడించింది. ఆకాశం మేఘావృతం అయి,  తేలికపాటి నుండి మోస్తరు వర్షాలు పడే అవకాశం ఉంది. శనివారం సాయంత్రం వరకు వర్షపాతం కొనసాగుతుందని, తేలికపాటి నుండి మోస్తరు వరకు తీవ్రత మారుతుందని వాతావరణ శాఖ డైరెక్టర్ ధరర్ అల్-అలీ తెలిపారు. కొన్ని ప్రాంతాలలో కొన్నిసార్లు భారీ ఉరుములతో కూడిన వర్షాలు కురుస్తాయని పేర్కొన్నారు. శుక్రవారం మధ్యాహ్నం, శనివారం రోజున వర్షపాతం గరిష్ట స్థాయికి చేరుకుంటుందని తెలిపారు.  దాంతోపాటు దుమ్ము తుఫానులు వచ్చే అవకాశం ఉందన్నారు. అయితే, ఆదివారం ఉదయం కొన్ని ప్రాంతాలలో, ముఖ్యంగా తీరప్రాంతాలలో పొగమంచు ఏర్పడే అవకాశం ఉందని పేర్కొన్నారు.