యూఏఈ: దుబాయ్ కస్టమ్స్ ఒక భారీ స్మగ్లింగ్ ప్రయత్నాన్ని అడ్డుకుంది. ఓడరేవు వద్ద 147.4 కిలోల మాదకద్రవ్యాలు,  సైకోట్రోపిక్ పదార్థాలను ఎమిరేట్‌లోకి ప్రవేశించకుండా నిరోధించాయి. దుబాయ్ కస్టమ్స్ తనిఖీ బృందాలు ఈ ఆపరేషన్ లో పాల్గొన్నాయి. అధునాతన స్క్రీనింగ్ వ్యవస్థలను ఉపయోగించి ట్రాన్సిటింగ్ షిప్‌మెంట్‌లో దాచిన డ్రగ్స్ ను గుర్తించి స్వాధీనం చేసుకున్నారు.    

దుబాయ్ కస్టమ్స్, ఎలైట్ K9 యూనిట్ నుండి డిటెక్షన్ డాగ్స్ మద్దతుతో మాదకద్రవ్యాలను గుర్తించింది. నిబంధనల ప్రకారం వారిపై చట్టపరమైన ప్రక్రియలు ప్రారంభించినట్టు పోర్ట్స్, కస్టమ్స్ , ఫ్రీ జోన్ కార్పొరేషన్ చైర్మన్ సుల్తాన్ అహ్మద్ బిన్ సులాయెమ్ తెలిపారు. దుబాయ్ కస్టమ్స్ అధికారులను ఈ సందర్భంగా ప్రశంసించారు.