యూఏఈ:గల్ఫ్ కోఆపరేషన్ కౌన్సిల్ (GCC) ప్రాంతంలో ఆహార వ్యర్థాలు సంవత్సరానికి సగటున 150 కిలోలుగా ఉంది. ఇది ప్రపంచ సగటు 132 కిలోల కంటే 14 శాతం ఎక్కువ. ఆలివర్ వైమన్ రాసిన Tackling Food Waste In The GCC Grocery Market అనే ఇటీవలి పత్రం GCCలో ఆహార వ్యర్థాల స్థాయిలు అనేక అభివృద్ధి చెందిన ఆర్థిక వ్యవస్థల కంటే ఎక్కువగా ఉన్నాయని, యూరోపియన్ యూనియన్ (EU) గణాంకాలను 38 శాతం మించిపోయిందని, జపాన్ తలసరి వ్యర్థాలను దాదాపు రెట్టింపు చేస్తున్నాయని హైలైట్ చేసింది.
చాలా దేశాలలో మొత్తం వ్యర్థాలలో రిటైల్ ఆహార వ్యర్థాలు సాధారణంగా ఐదు శాతం నుండి 15 శాతం మాత్రమే ఉన్నప్పటికీ, GCC రిటైల్ రంగం ప్రపంచ సగటు కంటే 38 శాతం ఎక్కువ వ్యర్థాలను చూస్తుంది.  
2022లో GCCలోని రిటైల్ రంగం దాదాపు 1.3 మిలియన్ టన్నుల ఆహారాన్ని వృధా చేసిందని క వెల్లడించింది. ఇది సుమారు $4-7 బిలియన్ల వార్షిక నష్టానికి సమానమని పేర్కొన్నారు. ఇది రమదాన్ సందర్భంగా ప్రపంచవ్యాప్తంగా ఉన్న 70 శాతం ముస్లింలకు ఇఫ్తార్ భోజనం అందించడానికి సరిపోతుందని తెలిపింది. దిగుమతి చేసుకున్న ఆహారంపై GCC అధికంగా ఆధారపడటం వలన అధిక వ్యర్థాల సమస్య ఉత్పన్నం అవుతుందన్నారు.  
2030 నాటికల్లా వ్యర్థాలను 50 శాతం తగ్గించడం ద్వారా ఐక్యరాజ్యసమితి సుస్థిర అభివృద్ధి లక్ష్యం 12.3ని సాధించడానికి కట్టుబడి ఉంటామని యూఏఈ వెల్లడించింది.    
దుబాయ్ ఫెస్టివల్ సిటీలోని IHG హోటల్స్ ఏరియా జనరల్ మేనేజర్ థామస్ ష్మెల్టర్ మాట్లాడుతూ.. విన్నో వ్యవస్థను ఉపయోగించి తాము ఆహార వ్యర్థాలను చురుకుగా ట్రాక్ చేసి విశ్లేషిస్తామన్నారు. దీని ద్వారా, అధిక ఉత్పత్తిని తగ్గించడం వంటి లక్ష్య మెరుగుదలలు వ్యర్థాల పరిమాణాన్ని గణనీయంగా తగ్గిస్తాయని పేర్కొన్నారు.  హోటల్ స్థానిక స్వచ్ఛంద సంస్థలతో కలిసి పనిచేస్తుందని, వృధా కాకుండా సమాజానికి మద్దతు ఇవ్వడానికి మిగులును విరాళంగా ఇస్తుందని ష్మెల్టర్ తెలిపారు.