యూఏఈ: 89 గ్రాముల హెరాయిన్‌తో పట్టుబడిన 38 ఏళ్ల ఆసియా వ్యక్తికి మూడు నెలల జైలు శిక్ష విధించింది దుబాయ్ క్రిమినల్ కోర్టు. మాదకద్రవ్యాలను స్వాధీనం చేసుకుని, శిక్ష పూర్తయిన తర్వాత అతనిని దేశం నుండి బహిష్కరించాలని కోర్టు ఆదేశించింది. ఆ వ్యక్తి అల్ సత్వాలోని తన నివాసంలో మాదకద్రవ్యాలను ఉపయోగిస్తున్నాడని పోలీసులకు సమాచారం అందడంతో వారు రైడ్ చేసి నిందితుడిని అదుపులోకి తీసుకున్నారు. ఈ సమాచారం ఆధారంగా, జనరల్ డిపార్ట్‌మెంట్ ఆఫ్ యాంటీ-నార్కోటిక్స్ అధికారులు రైడింగ్ చేసి, అతని వద్ద నుండి మూడు హెరాయిన్ ప్యాకెట్లను గుర్తించి స్వాధీనం చేసుకున్నారు.

  విచారణ సమయంలో, ఆ వ్యక్తి వ్యక్తిగత ఉపయోగం కోసం హెరాయిన్‌ను కొనుగోలు చేసినట్లు అంగీకరించాడు. అతను వాట్సాప్ ద్వారా మరొక ఆసియా వ్యక్తి నుండి డ్రగ్స్‌ను కొనుగోలు చేసినట్లు వెల్లడించాడు. దుబాయ్ కోర్ట్ ఆఫ్ అప్పీల్స్ తరువాత ప్రారంభ తీర్పును సమర్థించింది.