వియన్నా: కువైట్ అవినీతికి వ్యతిరేకంగా పోటాటం చేస్తుందని, అదే సమయంలో మానవ హక్కులకు మద్దతుగా నిలుస్తుందని కువైట్ స్పష్టం చేసింది. ఐక్యరాజ్యసమితి అవినీతి వ్యతిరేక సమావేశం (UNCAC) లో కువైట్ శాశ్వత ప్రతినిధి బృందం కార్యదర్శి మునిరా అల్-తయ్యర్ పాల్గొని మాట్లాడారు. అన్ని రకాల అవినీతిని ఎదుర్కోవడానికి అంతర్జాతీయ దేశాల సహకారాన్ని బలోపేతం చేయడానికి కువైట్ నిబద్ధతతో పనిచేస్తుందని అల్-తయ్యర్ తెలిపారు.  
ఇస్లామోఫోబియాను పర్యవేక్షించడానికి మరియు ముస్లింలపై ద్వేషాన్ని తొలగించడానికి UN యంత్రాంగాలను బలోపేతం చేయాలని కోరారు. సాయుధ పోరాటాల ద్వారా ప్రభావితమైన పిల్లలను రక్షించడానికి సమగ్రమైన విధానాలకు కృషి చేస్తున్నట్లు వెల్లడించారు. ఈ సందర్భంగా గాజా, డెమొక్రాటిక్ రిపబ్లిక్ ఆఫ్ ది కాంగో, మయన్మార్, సూడాన్ మరియు ఇతర సంక్షోభ ప్రాంతాలలో పిల్లలపై జరుగుతున్న సంఘర్షణల తీవ్ర ప్రభావాన్ని హైలైట్ చేశారు. పిల్లల హక్కులను పరిరక్షించడంలో కువైట్ దీర్ఘకాల మానవతా నాయకత్వాన్ని అందిస్తుందని ఆమె తెలిపారు.