దోహా: ఖతార్‌లో పర్యావరణ పర్యాటక రంగాన్ని పెంచడానికి పర్యావరణ, వాతావరణ మార్పుల మంత్రిత్వ శాఖ (MECC) ఒక సమగ్ర ప్రణాళికను అభివృద్ధి చేస్తోంది. ఈ ప్రణాళికలో పర్యావరణ పర్యాటక ప్రదేశాల సమగ్ర అభివృద్ధి, కీలకమైన మైలురాళ్ళతోపాటు ఆకర్షణలను హైలైట్ చేసే వివరణాత్మక మ్యాప్‌ను రూపొందించారు. సందర్శకుల ప్రాంతాలలో మౌలిక సదుపాయాలు,  ప్రజా సేవలకు మెరుగుదలలు, పర్యావరణ ప్రభావాన్ని తగ్గించడానికి స్థిరమైన పద్ధతులను ప్రోత్సహించడం, ఖతార్ ప్రజల గొప్ప సాంస్కృతిక వారసత్వాన్ని ప్రదర్శించడానికి చొరవలు ఉన్నాయి.

ఖతార్ విస్తారమైన విభిన్నమైన సహజ వనరులను కలిగి ఉందని, వీటిని పర్యావరణ పర్యాటకం అతి ముఖ్యమైన భాగాలు, మైలురాళ్లలో ఒకటిగా పరిగణిస్తారు. ఈ వనరులలో ప్రకృతి ప్రదేశాలు, ద్వీపాలు, తీరాలు, గుహలు, లోయలు, దిబ్బలు, అలాగే ప్రపంచంలోని అరుదైన సముద్ర జీవులను కలిగి ఉన్న ప్రాదేశిక జలాలు, ప్రసిద్ధ సాంస్కృతిక కార్యక్రమాలు ఉన్నాయి.

పర్యావరణ పర్యాటకం ప్రతికూల పరిణామాలు లేకుండా ప్రజలు సాంప్రదాయ ప్రయాణం సానుకూల అనుభవాలను ఆస్వాదించడానికి వీలు కల్పిస్తుంది. ఈ రకమైన పర్యాటకం స్థానిక ప్రజలను ఉద్ధరించడం, వన్యప్రాణులపై అవగాహన తీసుకురావడం లక్ష్యంగా పెట్టుకుందని మంత్రిత్వ శాఖ  వెల్లడించింది. తన వెబ్ సైట్ లోని ఒక నివేదిక ప్రకారం, ఖతారీ అరణ్యంలో పెద్ద సంఖ్యలో పురాతన లోయలు ఉన్నాయి,. ఇవి 615గా గుర్తించారు. వీటిలో 90% ఖతార్ ఉత్తర భాగంలో విస్తరించి ఉన్నాయి. వివిధ పరిమాణాలు, ఆకారాలలో సుమారు 31 సింక్‌హోల్స్ ఉన్నాయి.  1,273 కంటే ఎక్కువ పచ్చికభూములతో అరుదైన వృక్షజాలం, జంతుజాలాన్ని కలిగి ఉంది.  ఖతార్ దేశంలోని నైరుతి, మధ్య భాగాలలో ఉన్న అనేక ఇసుక దిబ్బలను కలిగి ఉంది. ఇవి అనేక రకాల జీవులకు ఆతిథ్యం ఇస్తున్నాయి.

ఖతార్ భూభాగంలో 27% సహజ వన్యప్రాణుల నిల్వలు ఉన్నాయి. అల్ షహానియా రిజర్వ్, అల్ రయ్యన్‌లోని అల్ రిఫా రిజర్వ్, అబు సమ్రాలోని అల్ మషాబియా రిజర్వ్, అల్ జమిలియాలోని అల్ రీమ్ రిజర్వ్, అల్ వాసిల్ రిజర్వ్, ఇర్కియా రిజర్వ్, సాని రిజర్వ్, ఉమ్ ఖర్న్ రిజర్వ్, ఉమ్ అల్ అమద్ రిజర్వ్ ప్రకృతి నిలయాలుగా ఉన్నాయి.

ఖతార్‌లోని సముద్ర నిల్వలు దేశం మొత్తం వైశాల్యంలో 2.5% ఉన్నాయి. ఖతార్ నేషనల్ విజన్ 2030లోపు లక్ష్యాన్ని సాధించడానికి దేశం సముద్ర, భూ నిల్వల విస్తీర్ణాన్ని 30%కి పెంచాలని కూడా ప్రయత్నిస్తుంది. ఖతార్ సముద్ర నిల్వలలో విలక్షణమైన ఖోర్ అల్ అడైద్ (లోతట్టు సముద్రం) రిజర్వ్, ఖతార్‌లోని పురాతన మడ అడవులను కలిగి ఉన్న అల్ ధకిరా రిజర్వ్ ఉన్నాయి.

ఖతార్ సముద్ర పర్యావరణం ఈ ప్రాంతంలో అత్యంత వైవిధ్యమైనదిగా గుర్తింపు పొందింది. ఖతార్ ఒక ద్వీపకల్పం. ఇది అరేబియా గల్ఫ్‌లో విస్తృతమైన తీరప్రాంతాలను కలిగి ఉంది. ఖతార్ తీరప్రాంతం పొడవు 563 కి.మీ., ప్రాదేశిక జలాల లోతు 0 మీటర్ల నుండి దాదాపు 60 మీటర్ల వరకు ఉంటుంది. అద్భుతమైన సహజ దృశ్యాలతో విభిన్నమైన ద్వీపాల సమూహం ఉంది. ఈ తొమ్మిది ద్వీపాలు వివిధ సహజ నిర్మాణాలతో పాటు, విస్తృత జీవవైవిధ్య వృక్షజాలం, జంతుజాలాన్ని కలిగి ఉన్నాయని తన నివేదికలో పర్యాటక మంత్రిత్వశాఖ వెల్లడించింది.