రియాద్: వారి స్పాన్సర్‌షిప్ కింద ఉన్న వలస కార్మికుల డిపార్చర్ ను నివేదించని స్పాన్సర్‌లకు వారి ప్రవేశ వీసాల గడువు ముగిసిన తర్వాత గరిష్టంగా ఆరు నెలల జైలు శిక్ష, SR50,000 వరకు జరిమానా విధించబడుతుందని అంతర్గత వ్యవహారాల మంత్రిత్వ శాఖ ప్రకటించింది. విదేశీయుడైన స్పాన్సర్ జైలు శిక్ష, జరిమానా చెల్లించిన తర్వాత బహిష్కరించనున్నట్లు తెలిపారు.  సౌదీ అరేబియా అధికారిక హజ్, ఉమ్రా మార్గదర్శకాల ప్రాముఖ్యతను కూడా మంత్రిత్వ శాఖ తెలిపింది. వారి ప్రవేశ వీసాల గడువు ముగిసిన తర్వాత సౌదీ అరేబియాను విడిచి వెళ్లని ప్రవాసులకు SR50,000 వరకు జరిమానా, ఆరు నెలల వరకు జైలు శిక్ష , బహిష్కరణ విధించవచ్చని పేర్కొంది. హజ్, ఉమ్రా సేవలను అందించే కంపెనీలు,  సంస్థలు తమ వీసాల గడువు ముగిసిన తర్వాత హజ్ లేదా ఉమ్రా యాత్రికులను నివేదించడంలో విఫలమైతే మంత్రిత్వ శాఖ గతంలో గరిష్టంగా SR100,000 జరిమానాను ప్రకటించింది.