కువైట్: ఆరవ రింగ్ రోడ్ సమీపంలోని అబ్దుల్లా అల్-ముబారక్‌లోని చెక్‌పాయింట్ వద్ద ముప్పై ఏళ్ల వయసున్న ఒక పౌరుడి వద్ద మొసలిని గుర్తించిన ఫర్వానియా భద్రతా సిబ్బంది అతడిని అదుపులోకి తీసుకున్నారు. స్థానిక మీడియా నివేదిక ప్రకారం..పెట్రోలింగ్ బృందాలు సాధారణ తనిఖీలు నిర్వహిస్తున్నప్పుడు డ్రైవర్ అనుమానాస్పద ప్రవర్తనను గమనించారు. తనిఖీ చేయగా, వాహనంలో మొసలి ఉన్న పెట్టె కనిపించింది. ప్రశ్నించినప్పుడు, తాను మొసలిని పెంచుతున్నానని పౌరుడు పేర్కొన్నాడు. తదుపరి దర్యాప్తు కోసం కేసును సంబంధిత అధికారులకు అప్పగించినట్టు తెలిపారు.