మస్కట్: ఉపయోగించిన వాహనాల రాకపోకలను నియంత్రించడం, స్థానిక ఆటోమొబైల్ రంగానికి మద్దతు ఇవ్వడం లక్ష్యంగా ఒమన్ లో కొత్త రూల్స్ తీసుకొచ్చింది. రాయల్ ఒమన్ పోలీస్ (ROP) జూలై 1 నుండి అమలులోకి వచ్చే విధంగా క్లియరెన్స్ సర్టిఫికేట్ వ్యవస్థను ఉపయోగించి వాహన దిగుమతులను ఆమోదించడాన్ని నిలిపివేస్తున్నట్లు ప్రకటించింది. జనరల్ డైరెక్టరేట్ ఆఫ్ ట్రాఫిక్, జనరల్ డైరెక్టరేట్ ఆఫ్ కస్టమ్స్ సంయుక్తంగా ఈ మేరకు నిర్ణయించినట్లు తెలిపాయి.

న్యూ రూల్స్ ప్రకారం.. గల్ఫ్ కోఆపరేషన్ కౌన్సిల్ (GCC) దేశాల నుండి వాహన దిగుమతులను రిజిస్ట్రేషన్ దేశంలోని సమర్థ అధికారులు జారీ చేసిన అధికారిక ఎగుమతి సర్టిఫికేట్ ఉన్న వాటికి మాత్రమే పరిమితం కానుంది. GCC దేశాల నుండి ఉపయోగించిన కార్ల దిగుమతులు పెరగడంపై స్థానికంగా పెరుగుతున్న ఆందోళనల పేపథ్యంలో ఈ మేరకు నిర్ణయం తీసుకున్నట్లు అధికారులు తెలిపారు.