దోహా, ఖతార్: జాసిమ్ బిన్ హమద్ స్ట్రీట్ నుండి అమ్ర్ బిన్ అల్ ఆస్ స్ట్రీట్ ఎంట్రీ రోడ్ మూడు రోజులపాటు తాత్కాలికంగా రాత్రిపూట మూసివేస్తున్నట్లు పబ్లిక్ వర్క్స్ అథారిటీ అష్ఘల్ ప్రకటించింది. ఈ ప్రాంతంలో మౌలిక సదుపాయాలను అప్‌గ్రేడ్ చేయడంలో భాగంగా అవసరమైన యుటిలిటీ పనులను పూర్తి చేయడానికి వీలుగా  మే 16-18 తేదీల్లో అర్ధరాత్రి నుండి ఉదయం 6 గంటల వరకు మూసివేత ఆంక్షలు  అమలులో ఉంటాయని తెలిపారు.

అమ్ర్ బిన్ అల్ ఆస్ స్ట్రీట్ వాహనదారులు జాసిమ్ బిన్ హమద్ స్ట్రీట్‌ను ఉపయోగించాలని, ఆపై అల్ జజీరా అల్ అరేబియా స్ట్రీట్ వైపు కుడివైపుకు తిరిగి, ఆపై అల్ నిబ్రాస్ స్ట్రీట్ వైపు కుడివైపుకు తిరిగి తమ గమ్యస్థానాలకు చేరుకోవాలని సూచించారు.