'ముకుంద' చిత్రంతో తెలుగు పరిశ్రమకు పరిచయమైన మెగా వారసుడు వరుణ్‌తేజ్‌. 'కంచె', 'లోఫర్‌' చిత్రాలతో ఎంతో మంది అభిమానులను సొంతం చేసుకున్న వరుణ్‌ తేజ్‌ ఇప్పుడు 'మిస్టర్‌'గా ముందుకు రానున్నాడు. శ్రీనువైట్ల దర్శకత్వం వహిస్తున్న ఈ చిత్రం తొలి షెడ్యూల్‌ స్పెయిన్‌లో ప్రారంభమైంది. ఈ విషయాన్ని వరుణ్‌తేజ్‌ ట్విట్టర్‌లో తెలియజేస్తూ వర్క్‌ మూడ్‌ ఆన్‌.. అంటూ ఫొటోను పోస్ట్‌ చేశారు. ఈ చిత్రంలో లావణ్య త్రిపాఠి, హెబ్బా పటేల్‌లు వరుణ్‌ తేజ్‌ సరసన కథానాయికలుగా నటిస్తున్నారు. నల్లమలుపు శ్రీనివాస్‌, ఠాగూర్‌ మధు నిర్మాతలుగా వ్యవహరిస్తున్నారు. మిక్కీ జె.మేయర్‌ సంగీతం సమకూరుస్తున్నారు.