మస్కట్: నార్త్ అల్ బటినాలో రెండు వేర్వేరు నేర సంఘటనల్లో పలువురు అనుమానితులను అరెస్టు చేసినట్టు పోలీసు కమాండ్ వెల్లడించింది. మొదటి కేసులో.. లివాలోని విలాయత్‌లోని ఒక నివాసం ముందు ఉద్దేశపూర్వకంగా వాహనానికి నిప్పంటించినందుకు ఒక పౌరుడిని అరెస్టు చేశారు.

సోహార్‌లోని విలాయత్‌లో జరిగిన మరో సంఘటనలో.. బలవంతంగా ఒక నివాసంలోకి ప్రవేశించి విధ్వంసం, దొంగతనానికి పాల్పడినందుకు ముగ్గురు పౌరులను అదుపులోకి తీసుకున్నారు. అనుమానితులు ఒక భవనం నుండి అనేక ఎయిర్ కండిషనింగ్ యూనిట్లను దొంగిలించినట్లు తెలిపింది. ప్రస్తుతం అనుమానితులపై చట్టపరమైన చర్యలు కొనసాగుతున్నాయని రాయల్ ఒమన్ పోలీసులు తెలిపారు.