బాలీవుడ్‌ షహెన్‌షా అమితాబ్‌ బచ్చన్‌ని దక్షిణాది నటుడు ప్రకాశ్‌రాజ్‌ కలిశారట. లెజెండ్‌ని ఆయన నివాసానికి వెళ్లి కలిశానని ప్రకాశ్‌రాజ్‌ ట్వీట్‌ చేశారు. ఆయన్ని కలవడం చాలా సంతోషంగా ఉందని తెలిపారు. అమితాబ్‌ చూపించిన ప్రేమాప్యాయతలకు ప్రకాశ్‌రాజ్‌ పొంగిపోయారు. ఈ సందర్భంగా అమితాబ్‌తో కలిసి దిగిన ఫొటోను ప్రకాశ్‌రాజ్‌ ట్విట్టర్‌లో పోస్ట్‌ చేశారు. కానీ అమితాబ్‌ను కలవడానికి గల కారణాన్ని ప్రకాశ్‌రాజ్‌ చెప్పలేదు. ప్రస్తుతం ప్రకాశ్‌రాజ్‌ తాను నటిస్తూ.. నిర్మిస్తున్న 'మన వూరి రామాయణం' చిత్రం పనుల్లో బిజీగా ఉన్నారు. త్వరలో ఈ చిత్రం ప్రేక్షకుల ముందుకు రానుంది.