ఇటీవల ఇరాక్‌ వరుస ఆత్మాహుతి దాడులతో వణికిపోతోంది. ఇస్లామిక్‌ స్టేట్‌ ఉగ్రవాద సంస్థ ప్రాబల్యం అధికంగా ఉన్న ఇరాక్‌లో ఉగ్రవాదులు విపరీతంగా దాడులకు తెగబడుతున్నారు. గత కొన్ని రోజులుగా వరుస దాడులు చేస్తున్న ఉగ్రవాదులు ఈరోజు బాగ్దాద్‌ జిల్లాలోని ఓ పోలీస్‌ చెక్‌పాయింట్‌పై దాడి చేశారు. ఈ ఘటనలో ఎనిమిది మంది ప్రాణాలు కోల్పోయారు. వీరిలో ఆరుగురు పౌరులు, ఇద్దరు పోలీసులు ఉన్నారు. పేలుడు పదార్థాలు నిండిన కారుతో చెక్‌పోస్ట్‌లోకి దూసుకొచ్చి పేల్చేసినట్లు అధికారులు వెల్లడించారు. నిన్న ఓ మార్కెట్‌పై జరిగిన ఆత్మాహుతి దాడిలో 12 మంది చనిపోయారు. ఇరాక్‌లో గత నెలలో జరిగిన దాడుల్లో సుమారు 300 మంది ప్రాణాలు కోల్పోయారు.