యూఏఈ: యూఏఈ మునిసిపాలిటీలు, రవాణా శాఖకు అనుబంధంగా ఉన్న ఇంటిగ్రేటెడ్ ట్రాన్స్‌పోర్ట్ సెంటర్ (ITC), హిజ్రీ నూతన సంవత్సర (1447) సెలవుదినం సందర్భంగా దాని కస్టమర్ హ్యాపీనెస్ సెంటర్లు, పబ్లిక్ బస్సు సేవల ఆపరేటింగ్ వేళలను ప్రకటించింది.

అబుదాబి ఎమిరేట్ అంతటా ఉన్న కస్టమర్ హ్యాపీనెస్ సెంటర్లు సెలవుదినం సందర్భంగా మూసివేయబడతాయని ,  జూన్ 30  నుండి కార్యకలాపాలను తిరిగి ప్రారంభిస్తాయని ITC పేర్కొంది.

అయితే, వినియోగదారులు అధికారిక వెబ్‌సైట్ https://admobility.gov.ae/, "దర్బీ" మొబైల్ అప్లికేషన్, "TAMM" ప్రభుత్వ సేవల ప్లాట్‌ఫామ్‌తో సహా వివిధ డిజిటల్ ప్లాట్‌ఫారమ్‌ల ద్వారా మరియు 800850 నంబర్‌లో మునిసిపాలిటీలు, రవాణా శాఖ సపోర్ట్ సెంటర్‌ను సంప్రదించడం ద్వారా లేదా టాక్సీ సర్వీస్ కాల్ 600535353 ద్వారా సేవలను పొందవచ్చు. 24/7  కేంద్రం అందుబాటులో ఉంటుంది.

హిజ్రీ నూతన సంవత్సర సెలవుదినం సందర్భంగా అబుదాబిలో పబ్లిక్ బస్సు సేవలకు సంబంధించి, వారాంతపు మరియు పబ్లిక్ సెలవుల షెడ్యూల్ ప్రకారం బస్సు సేవలు నడుస్తాయని.. ప్రాంతీయ, ఇంటర్‌సిటీ మార్గాల్లో అదనపు ప్రయాణాలు ఉంటాయని ITC ధృవీకరించింది.

అబుదాబి లింక్ సర్వీస్ యథావిధిగా ఉదయం 6 గంటల నుండి రాత్రి 11 గంటల వరకు కొనసాగుతుంది. అదే సమయంలో అబుదాబి ఎక్స్‌ప్రెస్ బస్సు సర్వీస్ ఉదయం 6 గంటల నుండి అర్ధరాత్రి వరకు అందుబాటులో ఉంటుందని తెలిపారు.