బహ్రెయిన్‌లో ఎలక్ట్రిసిటీ కోసం డిమాండ్‌ నానాటికీ పెరుగుతుండడంతో భవిష్యత్‌ అవసరాలు తీర్చేది న్యూక్లియర్‌ ఎనర్జీ మాత్రమేనని ఓ రీసెర్చ్‌లో తేలింది. అయితే న్యూక్లియర్‌ పవర్‌ కోసం భారీగా ఖర్చు చేయాల్సి ఉంటుంది. బహ్రెయిన్‌ లాంటి దేశాల్లో న్యూక్లియర్‌ పవర్‌ ఏర్పాటు చేయడం అంత ఆషామాషీ కాకపోయినా, భవిష్యత్తులో మాత్రం ఖచ్చితంగా న్యూక్లియర్‌ ఎనర్జీ మీద ఆధారపడక తప్పని పరిస్థితి. ఆయిల్‌ లేదా గ్యాస్‌ పవర్‌ ప్లాంట్స్‌తో పోల్చితే న్యూక్లియర్‌ పవర్‌ ప్లాంట్ల ఏర్పాటు ఖర్చుతో కూడుకున్నదే అయినా, నిర్వహణ విషయంలో చాలా తక్కువ అని నిపుణులు అభిప్రాయపడ్డారు. అలాగే, పర్యావరణ కాలుష్యం విషయంలోనూ న్యూక్లియర్‌ పవర్‌ ప్లాంట్లతో ఎంతో ఉపయోగమని వారు వెల్లడించారు. బహ్రెయిన్‌తోపాటు జిసిసి దేశాలకు భవిష్యత్తులో ఖచ్చితంగా న్యూక్లియర్‌ పవర్‌ ప్లాంట్ల అవసరం ఉంటుందని, ఈ రంగంలో రానున్న 50 ఏళ్ళలో అనూహ్య మార్పులు చోటు చేసుకుంటాయని ఆశించవచ్చు.