మానామా: బహ్రెయిన్ వ్యాప్తంగా అక్రమ కార్మిక, నివాస ఉల్లంఘనలను అరికట్టడానికి జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్స్ అండ్ ఫోరెన్సిక్ సైన్స్ తన తనిఖీలను ముమ్మరం చేసింది. ఈ సంవత్సరం ప్రారంభం నుండి అధికారులు 1,844 మంది వ్యక్తులను అరెస్టు చేశారు. వీరితోపాటు భద్రతా సంబంధిత కేసులకు సంబంధించి 156 మందిని అదుపులోకి తీసుకున్నారు.

నివాస,  కార్మిక చట్టాలను పాటించడం ప్రాముఖ్యతను అధికారులు చెబుతున్నారు. ఏదైనా అనుమానాస్పద కార్యకలాపాలను సరైన మార్గాల ద్వారా నివేదించాలని ప్రజలకు పిలుపునిచ్చారు. ఈ ప్రచారం ఇతర సంబంధిత శాఖల అధికారులతో సమన్వయంతో కొనసాగుతుందని భావిస్తున్నారు.